自六年前離開香港，我就開始日日想念你。
知道你最近有唔少新發展，仲喺上環有自己嘅新地方𠻹。雖然知道呢份快樂與自己再無關，但我默默戥你哋開心。
多年嚟我一直無法喺其他地方搵到你嘅影子，更加無從複製你嗰份獨有嘅味道。尤其係令人越食越過癮嘅酸辣湯底、外脆內軟嘅土匪、入味爽口嘅竹笙、食完口臭足三日三夜但係都抵嘅蒜泥白肉，當然仲有姐姐們啲扮都扮唔嚟嘅口因。
偶爾當夜闌人靜時，我會忍唔住上你IG，窺探下你有咩新動向。我幻想自己有日會喺冰冷嘅斯德哥爾摩街頭遇見你。我有時又諗就算你唔嚟，都想有人會帶個三哥湯底嚟畀我。可惜輾轉反側過後，我只能向現實低頭。嘆口氣，求其淥個麵食就算，強逼自己唔好去諗。
如今連熱帶島國新加坡都有你嘅分店，連拖咗十世嘅上環都被你征服埋。你還記得斯德哥爾摩嗎？我會一直等你。
苦等你嘅同時，唯有同其他海外三哥粉玩住遊戲先：https://bit.ly/37lISiH
心急人斯德哥爾摩三家姐上
譚仔三哥米線
#SponsoredContent #譚仔三哥
Search